வங்கி கணக்கு விபரம்

 பு ஹாஹ்ஹா

தெய்வங்கள் எல்லாம் தோற்றே போகும்

தொலைக்காட்சியில்
கோரொனா பாதிப்பு  பற்றிய விபரங்களை செய்தி வாசிப்பாளர் அறிவித்துக் கொண்டிருந்தார்.
அப்போது
"தெய்வங்கள் எல்லாம் தோற்றே போகும்"
என்ற பாடல் வரிகள் அழைப்பு மணியாய் செல்லில் ஒலிக்க தொலைக்காட்சியின் சத்தத்தை மட்டும் நிறுத்தி விட்டு
 "என்ன காலை ல யே போன்" என்றான்.
 "சென்னை ல அசோகன் அண்ணன் கொரோனால இறந்துட்டாராம். அதான் சொல்லதுக்கு போன் பண்ணினேன்.வேற ஒண்ணுமில்ல வச்சிருதேன்" என அழைப்பை துண்டித்தாள் தங்கச்சி.

மீண்டும் .
"தெய்வங்கள் எல்லாம் தோற்றே போகும்"  என ஒலித்தது செல்பேசி

மீன ராசி நேயர்களே

எத்தனையோ ப்ரச்னைகளை சரி செய்து இறுதியாய் விமானத்தினுள் அமர்ந்த பின் தான் ஆசுவாசமாய் உணர்ந்தான். அவளிடம் விமானத்தில் ஏறி அமர்ந்து விட்டேன் என்று நெட் போனில் சொல்லும் போது பரவசமாய் இருந்தது. ஏதேதோ காரணங்கள் சொல்லி கடந்த ஐந்தரை ஆண்டுகளாக திருமணத்தை தள்ளிப் போட்டு அவனுக்காக காத்திருக்கும் அவள் முகத்தை நாளை இந்நேரம் நேரில் தரிசித்திருப்பான். அவளை பார்க்கும் அந்த தருணம் இதை விட அதிக பரவசமாய் தான் இருக்கும். விமானம் புறப்பட இன்னும் அரை மணி நேரம் இருக்கிறது. அது வரை இணைய இணைப்பு கிடைக்கும். ஏதாவது யூ-ட்யூப் ல் பார்க்கலாம் என அதனை தொட்டான். பாப் அப் ல் "மீனராசி நேயர்களுக்கான குருப் பெயர்ச்சி பலன்" முதலில் துள்ளி வந்தது. அவனுக்கான ராசி அது என்பதை எப்படி அறிந்து அவன் கண்ணில் படும் படி செய்கிறார்கள் என்பதையெல்லாம் கற்பனை செய்யாமல் கேட்க தொடங்கினான். குரு எப்போது எந்த ராசியிலிருந்து எந்த ராசிக்கு மாறுகிறார், எந்த வீட்டிலிருந்து எந்த வீட்டை பார்ப்பார் என்ற முகவுரைகளை கேட்கும் போதே கண்கள் தூக்கத்திற்காக ஏங்கின. மீனராசி நேயர்களுக்கு வெளிநாட்டு பயண யோக வாய்ப்பு 80% சதவீதம் உள்ளது எனும் போது ஆழ்ந்து தூங்கியிருந்தான். தொடந்து ஐந்தரை வருடங்களை அரபு தேசத்தில் கழித்தவனுக்கு வெளிநாட்டு பயணம் என்பது தாய்நாடு செல்வதாக கூட இருக்கலாமோ.

கூடாதது

ஒரு
மகன் பார்க்கக் கூடாதது
தந்தையின் கண்ணீர்

ஒரு 
தாய் கேட்கக் கூடாதது
மகனின் அவப்பெயர்

ஒரு
சகோதரன் காட்டக் கூடாதது
உடன்பிறந்தோரிடம் அந்தஸ்த்து

ஒரு
தம்பதிகள் கொள்ளக் கூடாதது
தங்களுக்கு இடையில்
சந்தேகம்

ஒரு வெற்றியாளன்
எண்ணக் கூடாதது
எளியவன் என்ற இருமாப்பு

ஒரு
தலைவன் அடையக் கூடாதது நொடிப்பொழுது சபலம்

ஒரு
ஊர் தூற்றக் கூடாதது
வாழ்ந்து கெட்டவனின் வறுமை

கடும் பசியிலும்
உண்ணக் கூடாத இடம்
அவமதித்தவனின் விருந்து

பகைவனிடத்தும்
மகிழக் கூடாதது
அவனது இறப்பு

ஒருவன் செய்யக் கூடாத
காரியம்
தர்மம் கொடுப்பதை தடுப்பது
- யாரோ!

உள் ஆறும் ஆறாதே

உயர்திரு பாரதப்பிரதமர் மோடி அவர்களுக்கு,

வணக்கம். நீங்கள் அரியானவில் சொல்லியபடியே மிகச்சரியாக 300 தொகுதிகளுக்கு மேல் வெற்றி பெற்று அசுர பலத்தோடு ஆட்சியில் மீண்டும் ஏறுகிறீர்கள்.வாழ்த்துகள். இந்த வாழ்த்தை சொல்ல என் மாநிலம் எனக்கு ஒரு தகுதியை கொடுத்திருக்கிறது. நாடெங்கும் மோடி அலை வீசிய போது இங்கு வீசவில்லை, ஒர் சாரணர் இயக்க தேர்தலில் கூட உங்கள் தேசிய செயலர் 50 ஓட்டுகள் கூட வாங்க முடியவில்லை, சட்டமன்ற தேர்தலிலும் அப்படியே, இப்போது நாடாளுமன்ற தேர்தலில் அப்படியே. இப்படி தெளிவாக உங்களை தள்ளி வைத்த அந்த தகுதியே என் தகுதி.

உங்கள் கட்சியின் மாநில தலைவர் தமிழிசை சொல்கிறார்... மோடிக்கு வாக்களிக்காமல் விட்டதால் தமிழகத்திற்கு பல நல்ல திட்டங்கள் கிடைக்க வாய்ப்பிலை என்கிறார்... அப்படியா ?இது தான் உங்கள் கட்சி புரிந்து வைத்திருக்கும் அரசியல் சட்டமா ? தனக்கு வாக்களித்த மக்களுக்கு மட்டும் செயல்பட சொல்லியிருக்கிறதா ? கடந்த ஐந்தாண்டுகள் அப்படித்தான் செயல்பட்டீர்களா ? பாருங்கள் உங்கள் கட்சியே உங்கள் நிர்வாக லட்சணத்தை இப்படி காட்டிக்கொடுக்கிறது. இது ஒரு சாம்பிள் இது போல இவர் உளறிக்கொட்டியது இவரை போன்றவர்கள் உளரிக்கொட்டியது அதிகம். இப்போது தெரிகிறதா நாங்கள் ஏன் உங்களை ஏற்கவில்லை என்பது...

உங்கள் ஆட்சியில் தமிழகத்தில் மட்டும் கடந்த ஐந்தாண்டுகளில் 18 ரைடுகள் நடந்தன. தலைமை செயலகத்தில் தலைமைச் செயலர் அலுவகலம் முதல் கடைசியாக ஒரு சட்டமன்ற உறுப்பினர் வீடு வரை.. ஆனால் எத்தனை வழக்குகள் பதிவாகின மோடி அவர்களே ? எண்ணிக்கூட பார்க்க வேண்டிய அவசியமில்லை. எல்லாமே மிரட்டல் அல்லது கமிசன் வாங்கதானே அந்த ரைடு எல்லாமே ? இது இந்தியா முழுமைக்கும் நடந்தது. உங்கள் ஆட்சியில் இது ஊழலில் சேராதா... ஊழல் கேவலம் எனில்.. ஊழலில் கமிஷன் மகா கேவலமில்லையா ? இது போன்ற ஊழல்களை வைத்து மெஜாரிட்டி இல்லாத அரசை நீங்கள் ஆண்டிர்கள். ஆள மட்டுமா செய்தீர்கள். கல்வியை கெடுத்து, விவசாயத்தை கெடுத்து மாநில ஒற்றுமையை கெடுத்து... எங்கள் உரிமைகளை பறித்து.... இப்போது தெரிகிறதா நாங்கள் ஏன் உங்களை ஏற்கவில்லை என...

உங்கள் கட்சியின் தேசிய செயலர் நீதிமன்றமாவது மயிராது என்றார்.உங்கள் கட்சியின் விசுவாசி ஒருவர் மீடியாவில் வேலை பார்ப்பவர்கள் எல்லாம் படுத்துதான் வாய்ப்பை பெறுகிறார்கள் என்றார்.... இவர்கள் இருவர் முன்னும் கைகட்டி நின்ற நீதிமன்றம், தூத்துகுடியில் ஏன் எங்கள் மக்களை கொன்றீர்கள் என கேட்டவளை விரட்டியது... ஒரு குற்றவாளி போல... அவர் பாஸ்போர்டை முடக்கியது... கைது செய்தது... இது மட்டுமா.... இதே கேள்வியை கேட்ட முகிலனை இதுவரை காணவில்லை... உங்கள் நாசகார திட்டங்களை முன்கூட்டியே அறிவித்து வந்த திருமுருகன் காந்தியை வளைத்து வளைத்து கைது செய்தது, எட்டு வழிச்சாலை வேண்டாம் என்ற மக்களை அடித்து விரட்டியது. தூத்துக்குடியில் மக்களை விரட்டி சுட்டுக்கொன்றது. தஞ்சையில் மிரட்டியது. இப்போது தெரிகிறதா நாங்கள் ஏன் உங்களை ஏற்கவில்லை என...

இரண்டு பெரும் புயல்களை சந்திதது தமிழகம். அப்போது டிவிட்டரில் கூட நீங்கள் பெரிதாக கேட்கவில்லை. ஏதோ ஒரு நடிகையின் திருமணத்தில் பிசியாக இருந்துவிட்டீர்கள். ஆனால் அதற்கான நிதியை கூடகொடுக்கவில்லை என நான் சொல்லவில்லை... உங்கள் தமிழக ஏஜெண்ட் ஒபிஎஸ் சட்டமன்றத்தில் சொன்னார்.... அதுவும் பதினெழாயிரம் கோடி என சொன்னதாக நினைவு... இது ஒரு பக்கமெனில்.. எங்கள் தமிழக மீனவர்களை உங்கள் இந்திய கடற்படையினர் சுட்டுக்கொன்றனர்... ஆமாம் எங்கள் குண்டுதான் என காவற்படையினர் சொல்ல.... இல்லை என உங்கள் குறுக்குவழி அமைச்சர் நிர்மலா சீதாராமன் .. கடைசிவரை அவர்களுக்கு நிவாரணம் கிடைக்கவில்லை இன்று வரை...இது போக புயலில் சிக்கிய மீனவர்களை காக்க கப்பற்படை விமாங்கள் கேட்ட போது வரவில்லை ....அவர்கள் உப்பு நீரில் உடல் உப்பி மிதந்தார்கள்... நிங்கள் மெதுவாக வந்து அந்த புகைப்படங்களை பார்த்தீர்கள்... இப்போது தெரிகிறதா நாங்கள் ஏன் உங்களை ஏற்கவில்லை என.

நீங்கள் வேண்டுமானல் இப்போது தான் பல மாநிலங்களுக்கு மின்சார கொடுத்திருக்கலாம் சாலை போட்டிருக்கலாம், மருத்துவகல்லூரி கனவுகளை கொடுத்திருக்காலம் ( அப்படியேதும் இல்லை அது வேறு விசயம் ) ஆனால் நாங்கள் அதையெல்லாம் தாண்டி வந்துவிட்டோம். உங்கள் குஜராத்தைவிட கல்வியில் வேளாண்மையில், சட்ட ஒழுங்கில், மருத்துவத்தில், சுற்றுலாவில் குறிப்பாக மத ஒற்றுமையில் நாங்கள் பலமடங்கு மேல். ஒன்றை தவிர. அதானியின் நலனுக்காக நீங்கள் கொண்டுவந்த சோலர் பிளாண்டுகள் வகையில் மட்டுமே உங்கள் மாநிலம் முதன்மை. ஆனால் இதுவும் இப்போது இல்லை... இங்கே சுயமாகவே பலர் சோலர் நோக்கி நகர்கிறார்கள்... காரணம் அடிப்படை அறிவு.... உங்களைவிட எங்களுக்கு அது அதிகம். யாரை எங்கே வைப்பது என எங்களுக்கு தெரியும். உங்கள் நடிப்பையெல்லாம் நாங்கள் அதிகம் சினிமாவில் பார்த்துவிட்டோம்..அந்த சினிமா கூட பார்க்க முடியாத மக்களை உங்களால் ஏமாற்ற முடிந்தது. எங்களை முடியவில்லை. இப்போது தெரிகிறதா நாங்கள் ஏன் உங்களை ஏற்கவில்லை என.

இன்னும் இருக்கிறது மோடி அவர்களே சொன்னால் நீண்டுகொண்டே போகும். ஆனால் பாருங்கள் சம்மட்டியால் ஓங்கி அடித்திருக்கிறோம் உங்கள் பிஜேபி நடுமண்டையில். இன்னும் புத்தி வரவில்லை உங்கள் சகாக்களுக்கு... ஜனநாயகம் என்றால் என்னவென தெரியாமல், கூட்டாச்சி, மாநில சுயாட்சி என எதுவும் புரியாமல் நீங்கள் திணித்த நீட் போல, ஜிஎஸ்டி போல, பணமதிப்பிழப்பு போல... உங்கள் கட்சி மூடர்கள் பேசிக்கொண்டு இருக்கிறார்கள் அதாவது நாங்கள் உங்களுக்கு ஓட்டுபோடவில்லை அதனால் காவிரி முதல் முல்லைபெரியாறு வரை உங்களிடம் ஏதும் கேட்க கூடாது என்கிறார்கள். என்ன ஒரு அறிவு பாருங்கள்... உங்களை போல...

அதே ரோஷத்தோடு வரியை வேண்டாமென சொல்ல சொல்லுங்கள்.. இந்தியாவில் 40% ஜிடிபி தென்னிந்தியர்கள் நாங்கள் அல்லவா... சொல்ல சொல்லுங்கள். எங்கள் வரியை வைத்து நாங்களே எங்களை சரி செய்துகொள்கிறோம். இல்லை எனக்கு அதையெல்லாம் தீர்த்து வைக்கும் வக்கில்லை என சொல்லுங்கள் கேட்கிறோம். இல்லை தமிழ்நாடு தனியாக இருந்துகொள்ளட்டும் சொல்லுங்கள். முடியுமா ? வாக்களிக்காத மக்களுக்கும் சேர்த்துதான் பிரதமர். இதை நீங்கள் புரிந்தால்.. அதன் படி தமிழகத்தை வஞ்சிக்காத திட்டங்களை கொண்டுவந்தால் எப்போது வேண்டுமானாலும் வரலாம். இல்ல உங்கள் கட்சி மூடர்கள் சொல்வது போலத்தால் என்றால்... தமிழர்கள் எதற்கு துணிந்து நிற்பார்கள்.

ஏனெனில்.... உங்களுக்கு புரியாது.... எங்கள் குடி மூத்தகுடி. நீங்கள் ஓசைகளில் இருந்த போதே நாங்கள் இலக்கணத்தை உருவாக்கிவிட்டோம். அது கொடுத்த அறிவு யாருக்கும் அஞ்சி நிற்காது. உங்கள் இயக்க மூதாதையர்கள் வரலாறு எல்லாம் ஆங்கிலேயர்களுக்கு மன்னிப்பு கடிதம் கொடுத்து விசுவாசம் காட்டி வாழ்ந்த வகையறா. ஆனால் இங்கே போடா புண்ணாக்கு என தூக்கு மேடை ஏறி நின்றவர்கள்.

உங்களைவிட (?) நன்றாக ஆட்சி செய்த வாஜ்பாய்க்கு கிடைக்காத வாய்ப்பு உங்களுக்கு கிடைத்திருக்கிறது. இனியாவது ஆளுங்கள். ஆள்வதை போல செய்தி பரப்பாதீர்கள்.

நன்றி: தோழர் Krishna Kumar

வண்ண வண்ண சிரிப்புகள்

பச்சை  மஞ்சள் சிகப்பு என

மாறி மாறி நகைக்கின்றன

சாலைகளின்
நில்செல் விளக்குகள்

தாம் கண்டு ரசிக்கும்
உயிருள்ள மனிதர்களின்

கட்டுபாட்டையும் 

விட்டுக் கொடுத்தலையும் 

எண்ணி எண்ணி

தாலி கட்டியுள்ள பார்வதி

பார்வதியின் கழுத்திலிருந்து 


தாலி கேட்டது


சிவனே சௌக்கியமா?


இதற்கு பொருத்தமாய் பார்வதி - சிவன் இணைந்து இருக்கும் புகைப்படங்களை GOOGLE ல் தேடினேன்.
கடைசிவரை கிடைக்கவே இல்லை தாலி கட்டியுள்ள பார்வதியின் படம்

ஆங்கிலத்திலிருந்து ► தமிழ்

Bar - மதுவகம் [நன்றி-http://kanuvukalinkathalan.blogspot.com/2010/12/blog-post_17.html

Wash Basin - கழுவு தொட்டி[நன்றி ஜெமோ வலைபதிவு]


Mobile Phone - செல்பேசி[செல்லுமிடமெல்லாம் பேச முடிவதால்]

Record Dance - இசைத்தட்டு நடனம் [http://solvanam.com/?p=12287]

Remote Control -தொலைவியக்கி [மதன்கார்க்கி]

Signal(light) - குறிவிளக்கு

Selfie  - சுயமி [சுபா ஜி]

Purse - வல்லுவம் [ https://www.vikatan.com/arts/literature/kalvarkal-kavanam-short-story ]

Driving License - சாரதியுரிமம்

Talk Show - பேச்சு காட்சி [TSS மணி]

aaaaaaaaaaaaaaaaஅவன் இறங்கவும் aஎன்னாaலயும் கன்ட்ரோல் பன்ன முடியலை.. அடிச்சுத் தூக்கிட்டேன். 

தெய்வம் தந்த தீர்ப்பு

கர்ணன் டா ! நீதி டா!! தமிழன் டா!!!

அரசன் என்ற அச்சமின்றி கேள்வி கேட்ட கண்ணகியையும், கடவுள் என்ற கலக்கமின்றி கேள்வி கேட்ட நக்கீரரையும் போற்றுவதற்காக தம் மக்களுக்கு அவர்களின் பெயர் சூட்டி மகிழ்கிறது நம் தமிழ்நாடு. இந்த தமிழகத்தை சார்ந்த முன்னாள் உயர்நீதிமன்ற நீதிபதி கர்ணன் உச்சநீதிமன்ற நீதிபதிகள் மீது புகார்கள் கூறினார்.

கர்ணனின் இந்த செயலை நீதிமன்ற அவமதிப்பாக கருதிய இந்திய உச்சநீதிமன்றம் தாமாக முன்வந்து கர்ணன் மீது நீதிமன்ற அவமதிப்பு வழக்கு பதிவு செய்து விசாரித்து  08-மே -2017 அன்று இவருக்கு
 ( உச்ச நீந்திமன்ற நீதிபதிகள் சகதீசு சிங் கேகர், தீபக்மிஸ்ரா, சலமேஸ்வர், ரஞ்சன் கோகோய், மதன் பி.லோக்குர்,பி.சி.கோஸ், குரியன் ஜோசப் ஆகியோரின் தீர்ப்பின்படி)
ஆறு மாதங்கள் சிறை தண்டனை விதித்தது. ஆறு மாத சிறை தண்டனை முடிந்து 20-டிசம்பர்-2017 அன்று விடுதலை செய்யப்பட்டார் முன்னாள் நீதிபதி கர்ணன்.
               இதனையடுத்து மூன்று வாரங்களுக்கு பின்னர் 11-ஜனவரி-2018 அன்று தனியார் விமானம் மூலம் சென்னை திரும்பினார் கர்ணன்.
                  அதன் மறுநாள் 12-ஜனவரி-18 அன்று ,நீதிபதி கர்ணனின் செயலுக்கு தண்டனை வழங்கிய உச்ச நீதிமன்ற நீதிபதிகளில் சலமேஸ்வர்,ரஞ்சன் கோகாய்,மதன் பி.லோக்குர், பி.சி.கோஸ் குரியன் ஆகியோர் கூட்டாக சேர்ந்து சுப்ரீம் கோர்ட் நிர்வாகம் முறையாக நடைபெறவில்லை.சில மாதங்களாக விரும்பத்தகாத சில விசயங்கள் நடைபெறுகின்றன என்று பத்திரிக்கையாளர்கள் சந்திப்பை (உச்சநீதிமன்ற வரலாற்றிலேயே முதன் முதலாக ) கூட்டி அறிவித்துள்ளனர். 

நீதிபதி கர்ணன் செய்தது தவறு என்றால் இது தவறாகாதா?

அல்லது 

இவர்கள் செய்தது சரியென்றால் நீதிபதி கர்ணன் செய்ததும் சரிதானே?

 அதற்காக வழங்கப் பட்ட சிறை தண்டனையை என்ன செய்ய?

 

"ஷேர் செய்தால் 24மணி நேரத்திற்குள் பணம் குவியும்"

ஏதோ அரவம் கேட்கவே கண் விழித்தான்.
"ஷேர் செய்தால் 24மணி நேரத்திற்குள் பணம் குவியும்"
என்ற வாசகம் அடங்கிய படத்தினை நேற்று ஷேர் செய்ததினால் இன்று பணப்பெட்டிகளை வரிசையாய் அடுக்கி வைக்கிறார்களோ என்ற ஓவா(ர்) ஆசையில் சன்னல் வழியாக எட்டிப் பார்த்தவனுக்கு அதிர்ச்சி.வெளிப்பக்கமாய் பூட்டியிருந்த கதவை திறக்க முயற்சி செய்து கொண்டிருந்தான் திரு டன்.
       "வெளிப்பக்கமாய் பூட்டியிருக்கும் வீட்டின் வெளியில் ஒருவன் சரி. ஆனால் வீட்டிற்கு உள்ளே ஒருவன் எப்படி?  யுவர் ஆனர்"
என சிந்தனை உதிப்பவர்களுக்காக
(இரண்டு மாத வாடகை பாக்கி வைத்திருக்கும் வாலிபன்  வீட்டு முதலாளியிடம் இருந்து தப்பிப்பதற்காக கதவை வெளிப்பக்கம்  பூட்டால் பூட்டி விட்டு சன்னல் வழியாக  ஏறி குதித்து உள்ளே  வருவான் என தெரிவிக்கப் படுகிறது.)
கதவை திறக்க முயன்று கொண்டிருப்பது வீட்டு முதலாளி இல்லை என்ற உடனேயே ஒரு தைரியம் வந்து சத்தமின்றி சன்னல் வழியாக குதித்து திரு டனை பின்பக்கமாக இறுக்கி பிடித்து "ஐயோ திருடன் ஐயோ திருடன் " என சத்தமாய் கத்த அக்கம் பக்கத்திலிருந்தவர்கள் வந்தனர். ஆளாளுக்கு பேசி கடைசியில் அவசர போலீஸ் க்கு போன் செய்ய ரோந்து பணி போலீசார் வருவார்கள் என்றார்கள்.  வரும் போலீசார்கள் விசாரணைக்காக போலீஸ் ஸ்டேசன் வந்து வாக்குமூலம் கொடுக்கச் சொல்வார்கள் என்பதனால் தாமதமான போலீசாரின் வருகையை காரணம் சொல்லி அனைவரும் கலைந்து சென்றனர்.
இப்போது திரு டனும் இவனும் மட்டும். மௌனமாய் பத்து பதினைந்து நிமிடங்கள் கழிந்தது. போலீஸ் வரும்வரை ஏதாவது திருடனிடம் பேசுவோம் என நினைத்து,
யோவ் ! திருடுறதுக்கு ஏம்ய்யா என் வீட்டை தேர்ந்தெடுத்த(ாய்) ? என்றான்.
"அதா பாஸ். நேத்து  "ஷேர் செய்தால் 24மணி நேரத்திற்குள் பணம் குவியும்" ங்கற படத்தை  உங்க பேஸ்புக் பேஜ் ல நீங்க ஷேர் பண்ணிருந்தீங்க. அதான் குவிஞ்சுருக்கற பணத்துல கொஞ்சத்தை எடுக்கலாம் ன்னு உங்க வீட்டை தேர்ந்தெடுத்தேன் என்றான்.

மரண சிகிச்சை

மானம் கெட்ட எங்களோடு
வாழப் பிடிக்காமல் மரித்து
விட்டாயா ? மகளே

வைத்தியம் படிக்க அங்கீகாரம்
தரவில்லையென்றதற்காக
அதிர்ச்சி வைத்தியம்
அளித்து விட்டாயே அனிதா

மரணித்த பின் , உனைச் சந்திக்க நேர்ந்தால்
மன்னித்து ஏற்காமல்
மானத்தை அங்காவது கற்றுக் கொடு.
நீ அளித்த மரணசிகிச்சையின் மகிமை
அப்போதாவது புரியட்டும் எங்களுக்கு.

கல்லும் கடவுளும்

நாத்திகம் பேசிய அகராதி சிற்பியை
அவமதிக்க நினைத்து,
"அம்மி கொத்துவீர்களா" என்றேன்.

"அதனாலென்ன
அதுவும் தொழிலில் ஒரு வகை தானே"
எனக் கொத்தித் தந்தான்
ஆண்டவன் உருவத்தை.
                                         
நேற்றுவரை இருந்த கல் தானே
என அரைக்கவும் முடியாமல்
இன்றெனக்கு கிடைத்த கடவுள்
என வணங்கவும் முடியாமல்
நான்

பம்பரம்

பல்சர், லேப்டாப், செல்பேசி
இவையெவையும்
வழங்கியதே இல்லை
நான் முதன்முதலில்
வாங்கிய பம்பரம் தந்த
பரவசத்தை.

உறவன்(ர்)

நெல்லை▬பாளை▬வஉசி திடல் அருகே டீக்கடையில்.

#சல்லிக்கட்டு ஆதரவு போராட்டத்தில் கலந்து கொள்ள வந்திருந்த இளைஞனின் சாதியை கண்டுபிடிக்க ,'உங்க ஊரு பஞ்சாயத்து தலைவரை தெரியுமா,அவருக்கு நீங்க என்ன உறவு' போன்ற வழக்கமான கேள்விகளுக்கு கோபப்படாமல் மழுப்பலாய் பதிலளித்த இளைஞனிடம் கடைசியில் நேரடியாகவே

''தம்பி நீங்க என்ன ஆளுங்கப்பா"

என பவுன்சராய் கேள்வியை வீசியது பெருசு.

"நாங்க 'உறவர்' (உறவுக்காரன் என அர்த்தமாமாம்) ன்னு சொல்லிக்குவோம். ஒங்கள மாதிரி பண்டைய காலத்து ஆளுங்க எங்கள 'உறவன்' ன்னு சொல்லுவாங்க" என போராளி சிக்சர் பதிலடித்தான்.

'மறவன்' ன்னு இருக்கு 'குறவன்' ன்னு இருக்கு. இந்த 'உறவன்' புதுசால்ல இருக்கு . இது, 'நம்ம சாதியை விட உசந்த சாதியா இல்ல தாழ்ந்த சாதியா' என வடிவேலு மாதிரி தனக்கு தானே சொல்லிக் கொண்டு குழப்பத்தில் நகர்ந்தது பெருசு. இதே கருத்தில் வந்துள்ள குறும் படம் (Published on Jun 6, 2018)

ஆக்ஸிஜன் கிலோ இருபது ரூபாய்

ஆகஸ்டு 15 ல் கொண்டாடப் படும் சுதந்திர தினத்தினை பெற நடத்தப்பட்ட முக்கிய போராட்டங்களில் ஒன்று உப்பு சத்தியாகிரகம்.உப்பு உற்பத்திக்கு ஆங்கிலேய அரசால் விதிக்கப் பட்ட வரிக்கு எதிராக நடைபெற்ற போராட்டம் அது.அப்போது இந்தியாவிலிருக்கும் ஒவ்வொரு கிராமத்திலும் பத்து பேர் உப்பு காய்ச்சினால் (உற்பத்தி செய்தால்) போதும்.ஆங்கிலேய அரசு பணிந்து விடும் என்றாராம் காந்தி.

சரி அதுக்கென்ன இப்ப?

அதே "கிராமத்துக்கு பத்து பேர்" சூத்திரத்தை வேறு மாதிரியாக மாற்றியமைத்து மறுபடியும் உள்ளே வந்திருக்கிறான் வெள்ளைக்காரன்.

கிராமத்திற்கு பத்து பேரிடம் பெப்ஸி விற்றால் போதும்,கிராமத்திற்கு பத்து பேரிடம் கேஎப்சி விற்றால் போதும், போன்ற நிறைய "போதும்"களோடு.இழந்த சுதந்திரத்தை மீண்டும் பெற்று விடலாம் என கங்கணம் கட்டிக்கொண்டு வந்திருக்கிறான்.இழந்தவனுக்கு தானே அதன் அருமை தெரியும்.போனால் திரும்ப கிடைக்காது என்பதற்கு அதென்ன பொழுதா? இல்லை உயிரா?.சுதந்திரம் தானே மறுபடியும் கிடைத்து விடும் அந்தவெள்ளைக்காரனுக்கு.நாமெப்போது அனுபவித்திருக்கிறோம் அதனை பற்றி சிலாகிப்பதற்கு.

யார் ஆண்டால் என்ன என்று வாழும் நமக்கு 1947 ஆகஸ்டு 15 ல் நடைபெற்றது அதிகார மாற்றம் தானே. ஐந்து வருடத்திற்கொரு முறை அதிகாரத்தினை மாற்றிக் கொடுப்போம்.1000லிட்டர் தாமிரபரணி தண்ணீருக்கு 40ரூபாய் தான் விலை என நிர்ணயித்த வெளைக்கார பெப்சிகாரன் நாம் சுவாசிக்கும் ஆக்ஸிஜனுக்கும் ஒரு நாள் விலை வைப்பான்.அப்போது இரண்டு கிலோ சுத்தமான ஆக்ஸிஜனை இருபது ரூபாய் மானிய விலையில் வழங்கும் கட்சிக்கு ஐந்து வருடத்திற்கான ஆட்சியதிகாரத்தை மாற்றிக் கொடுப்போம்.

நல்ல வேளை "என்று தணியும் இந்த சுதந்திர தாகம்" எனக் கேட்ட பாரதி இப்போது இல்லை.இருந்திருந்தால் அவனும் இரண்டு லிட்டர் கோலா பாட்டிலில் தனது தாகத்தை தணித்திருப்பான்.
விகடனில் வெளியான

இனி காற்றும் காசுதான்!

ஆக்ஸிஜன் விற்பனைக்கு

கட்டை விரலை உயர்த்திக் காட்டும் ஏகலைவனின் வாரிசு.

செவ்வக நிலவு

             
                         

      

       அநேகமாய் அந்த கதையை ஆனந்த விகடனில் தான் வாசித்திருப்பேன்.அந்த கதைக்கு ஆசிரியர் வைத்திருந்த பெயர் "நீள் சதுர நிலவு".ஆனால் எனக்குள் என்னவோ அது "செவ்வக நிலவு" என இருந்திருந்தால் இன்னும் நன்றாக இருக்கும் என தோன்றுகிறது.

                          வானில் தோன்றும் நிலவு பிறை வடிவிலோ அல்லது அரை முக்கால் அல்லது முழு வட்டமாகவோ தான் தோன்றும். இதென்ன செவ்வக நிலவு?  

                           முந்தைய காலங்களில் இரவானவுடன் உறக்கம் வரும் வரை வீட்டின் வெளியில்,திண்ணைகளில், மாடி வீட்டில் இருப்பவர்கள் மொட்டை மாடிகளில் அமர்ந்து கதைபேசி விளையாடி களிப்பது வாடிக்கை அப்போது வட்ட நிலவையும் கண்டு களிப்போம். 

        ஆனால் இன்று? இரவானால் எத்தனை பேர் நிலவை ரசிக்கிறோம்.அடுக்ககங்கள் நிறைந்த நகரில் வசிப்பவர்களை விட்டு தள்ளுங்கள்.கிராமங்களில் வசிப்பவர்கள் கூட நிலவை ரசிப்பதாக தோன்றவில்லை.உணவருந்தி விட்டு திண்ணைகளில் உறங்கி எழுந்த வயதானவர்கள் கூட வெளியில் வருவதில்லை. அவர்களும் என்ன செய்வார்கள்?.திண்ணை வைத்து யாருமே வீடு கட்டாத நிலையில் அவர்கள் மட்டும் எங்கு அமர்ந்து பழங்கதை பேசி ஞாபங்களை புதுப்பிப்பார்கள்?. 

                          ஊதாங் குழலால் மூட்டி மூட்டி விறகடுப்பில் சமைத்தவர்கள் சடுதியில் எரிவாயு அடுப்பில் சமைத்து விடுகிறார்கள். இந்த மாற்றதினால் சேமிக்கப்பட்ட நேரம் எங்கே? வாய்க்காலுக்கோ,கிணற்றுக்கோ சென்று துவைத்து குளித்து வீட்டிற்கு தேவைப்படும் நீரையும் எடுத்து வந்தார்கள். ஆனால் இன்று அப்படி இல்லை.தெருக்கோடியில் தண்ணீர் குழாய்.அல்லது வீட்டில் தண்ணீர் குழாய்.அறைக்கு அறை தண்ணீர் குழாய். இதிலெல்லாம் சேமித்த நேரம் எங்கே?.

                             இப்படி சேமித்த நேரத்தினை திருடுவது பெரும்பாலும்  "செவ்வக நிலவு".இரவானல் கண்டு ரசித்த நிலவை இடம் மாற்றி வைத்த தொலைக்காட்சி பெட்டியை "செவ்வக நிலவு" என அழைப்பது பொருத்தமாக இருக்கும் தானே?.

                            நான் வாசித்த அந்த "நீள் சதுர நிலவு" கதைக்காலம் குடும்ப அட்டைக்கு ஒரு இலவச தொலைக்காட்சி பெட்டி வருவதற்கு முந்தைய பஞ்சாயத்து டிவி காலம்.அந்த கதையில் வரும் ஊரில் பஞ்சாயத்து டிவி பழுதாகி விடுகிறது. அதனால் பாதிக்கப்பட்ட ஒருத்தி "டிவியை சரி செய்ய யாரும் முன் வரவில்லையே. செலவாகும் பணத்தை பெண்கள் திரட்டி தருகிறோம். ஆண்கள் யாரவது வல்லுநரை அழைத்து வந்து சரி பண்ண முடியுமா என சவால் விடுவாள்.உசுப்பேறிய ஒருவன் சவாலில் வெல்வான்.

                            அன்றிரவு தொலைக்காட்சியின் ஒலியும் ஒளியும் நிகழ்ச்சியில் ஊரே லயித்துக் கிடக்கும். அவளும் அவனும் அவர்களோடு இல்லை என்பதை மறந்து.

                            அவளும் அவனும் ஒளிந்து கிடப்பார்கள் வெண்ணிலவின் மென்னொளியில் மறைந்து.

      

தந்துகி: நாய்தன் மற்றும் மனிநாய் - ஆதவன் தீட்சண்யா

தந்துகி: நாய்தன் மற்றும் மனிநாய் - ஆதவன் தீட்சண்யா: எதிரியையும் எல்லையையும் இன்னும் உருவாக்கிக் கொண்டிராத போதிலும் என்றாவதொரு நாள் கடல் முனியும், வனபூதமும் பறந்து வந்து  தாங்கள் வாழும் நிலப்பரப்பை விழுங்கிவிடக்கூடும் என்கிற தீராத அச்சத்தைக் கொண்டிருந்தனர். எனவே அவர்கள் எல்லை என்பதறியாமலேயே கடலுக்கும் வனத்துக்கும் இடைப்பட்ட தமது வாழிடத்தைக் காவல் செய்துவருகின்றனர்

மழை

மறைந்திருந்த
மனிதத்தை
வெளுத்து வாங்கி 
துவைத்து
தந்திருக்கிறேன்.
சாகடிக்க
நினைக்காதீர்கள்.
நினைத்தால்!!!
வருவேன்
மறுபடியும்.
‪#‎மழை‬

சதுரங்கன்

திரைப்படங்களில் ஒருவரையொருவர் நக்கல் நையாண்டி கேலி கிண்டல் செய்து புகழ்பெற்றவர்கள் கவுண்டமணி - செந்தில்.
 அதே போன்ற இரு பாத்திரங்களுக்கான பெயர்களை கற்பனைத்திருக்கிறேன்.
ஒருவர் "ரானா" .
இவர் வயதில் பெரியவர்.எங்கூர் பக்கம்  "ர" என்ற எழுத்தில் ஆரம்பிக்கும் பெயருடையவர்களை அப்படி அழைப்பது வழக்கம்.
 மற்றொருவன் சதுரங்கன்.
 வயதில் சிறியவன். குறுக்குமறுக்காய் கேட்பான்.இடக்குமடக்காய் பதிலளிப்பான்.
அவர்களின் முதல் உரையாடல் இதோ
ரானா:
எலேய்!  "சதுரங்கன்" னு ஒனக்கு நீயே பேரு வச்சிருக்கியாமுல்ல? அதென்னடே சதுரங்கன்?
சதுரங்கன் :
"ஸ்ரீரங்கன்" ன்னு பேரு இருக்கும் போது "சதுரங்கன்" னு இருக்கக் கூடாதா?.நம்மூர்ல ஆடுபுலிஆட்டம் வெளயாடுறா மா(தி)ரி படிச்சவுங்க வெளயாடுற ஒரு வெளயாட்டு செஸ்.நீரு செக்ஸ் ன்னு நெனச்சுராதேரும்.ஏஞ்சொல்லுதேம்னா இருவத்து நாலு மணி நேரமும் ஒம்ம நெனப்பு அப்பிடி.அந்த செஸ் வெளயாட்ட தமிழ்ல "சதுரங்கம்" ன்னு சொல்லுவாங்க.ரொம்ப விறுவிறுப்பான வெளயாட்டாம்.அதே மா(தி)ரி எப்பவும் விறுவிறுப்பா இருக்கணும் னு  நெனச்சுக்கிட்டு எனக்கு நானே வச்சுகிட்ட பேரு.
ரானா:
அதாவது  "எந்திரம்" ங்கறத மாத்தி "எந்திரன்" ன்னு வச்சா மா(தி)ரி ன்னு சொல்லுத.
சதுரங்கன் :
ஆமா.பெருசுன்னா பெருசு தான்.கப்பு ன்னு புடிச்சிக்கிட்டேரே. சரி சரி புதுசா பேரெல்லாம் வச்சிருக்கேன். "நால்லா இரு" ன்னு ஆசிர்வாதம் பண்ணுமுய்யா.
ரானா :
ஆசிர்வாதம் பண்ணுவேன் ஆனா துட்டு கேக்கக்கூடாது சரியா.